نفسى اشوفك ظابط ولا فى السلك .........

نفسى اشوفك ظابط ولا فى السلك .........

اخيرا الواد خلص الثانوية وكان نفسه يدخل طب ولا هندسة لكن كان أملى لما يكبر الواد أدخله كلية الشرطة أو إذا مجبش مجموع ادخلة كلية الحقوق .. فكلية الشرطة عشان الواد يطلع بعد اربع سنين ...

واربع سنين ليه اقصد بعد خمسة واربعين يوم يطلع يترسم على خلق الله ويعملى هيبة فى الحتة والشارع ويفضل يتدرب على العنطظة والتمريسة لحد الواد ما يتخرج وبعدين يعلق الحتة الصفرا ام خمس حروف اللى هى النجمة ، ويبدأ يخلصلى تارى من اللى كنت بشوفه ويفترى بقى ...

يسلام هو كده الكلام . أنا بقيت ابو حضرة الظابط اللوا ... متستعجلوش كلها كام سنة ويبقى لوا ، أما انا دفعتله ليه دم قلبى عشان ادخلة كلية الشرطة .. على الاقل اعرف الملـّم اللى دفعته من دم قلبى عشان ادخله الكليه دى ...

طيب افرض الواد مجبش مجموع .... يبقى زى ما قلت على كلية الحقوق وادينا نستحمل قرف الناس اربع ولا خمس سنين لحد ما يتخرج .

المهم انا محوشله القرشين ... هما هيندفعوا هيندفعوا ظابط ولا اى حاجة لما يتخرج من الحقوق .. ماهو بردو كلها تبع الحكومة .. المهم اشوفله اللى يدخله السلك وانتوا عارفين السلك طبعا وده بقى اتخن سلك ممكن تعرفوه .

ما علينا ... كده لو الواد دخل السلك هتبقى مية المية احسن من حكاية الشرطة هنا بقى هيبقى عندى حصانة تمام مفيش كلام ... ابو حضرة الوكيل وشوية أبو حضرة المستسار على رأى ناس

طبعا انتو مستغربين منى ، ومالو ماهو انتوا اللى خليتوا الواد لو دخل الشرطة ولا السلك يعمل كده ... اول ماتشوفو البدلة الميرى تقولوله يا باشا . والباشا راح والباشا جاى .... وأول قلم يتعلمة على قفا واحد منكم بتقولوا الله أعد والنبى .. وبتريحوه وبتجروا تبوسوا ايديه .. يمكن دى سياستكم

ولا الواد لو القرشين عملوا شغل ودخل السلك أول حاجة يفصلوا بدلتين ايه ويمشى قدامة واحد من المحكمة عمال يقول وسع وسع واذا يا حلو موسعتش تلاقى نفسك منزاح تلقائى من غير كلام .. وعسل بقى لو بيحقق فى قضية رشوة يبقى واد جامد ... هو انا دفعتلة قليل ..

بقلم ..... MASTER

ههههههههههههههههههههههههههههه

حلوة يحقق في قضية رشوة دي

وهو اصلا قاعد في مكتبو دة بفضل رشوة

ههههههههههههههههههه

قصة جميلة جدا يا ماستر

عدد الرسائل : 165 تاريخ التسجيل : 09/10/2008

الواد بعد ما يخش السلك ويتخرج كبل انصحة وقول لة ارحم بنى جميع الخلق كلهم..وانظراليهم بعين اللطف والشفقة 0 وقر كبيرهم وارحم صغيرهم ..وراع فى كل خلق حق من خبقة 0 ..

عروسة الاطلس كتب:: ههههههههههههههههههههههههههههه

حلوة يحقق في قضية رشوة دي

وهو اصلا قاعد في مكتبو دة بفضل رشوة

ههههههههههههههههههه

قصة جميلة جدا يا ماستر

شفتى يا عروسة
الناس بتنسى هى وصلت ازاى
ربنا يهدى القدوة

الجنرال كتب:: الواد بعد ما يخش السلك ويتخرج كأب انصحة وقول لة ارحم بنى جميع الخلق كلهم..وانظر اليهم بعين اللطف والشفقة 0 وقر كبيرهم وارحم صغيرهم .. وراع فى كل خلق حق من خلقة 0 ..

تمام يا جنرال
بس هتقول لمين
اذا كان رب البيت بالدف ضاربا
فشيمة اهــــــــل البيت الرقـــــص

» كان نفسى