رجاله بجد

رجاله بجد

رجّـاله بجد ولاد بلدى .. رجاله بجد ّ
دايما تلاقيهم طوّالى على سوق الحد ّ
لا يبص يمين ولاشمال .. ولا يكلـّم حد ّ
واللى بيخبـّى على مراته .. على طول يتمَد ّ
رجاله بجد ولاد بلدى .. رجاله بجد ّ
************
يشترى لمراته طلباتها .. بفلوس تتعَـد ّ
والباقى بيرجع لمراته .. تسليم باليد ّ
ف بيرجع دايما مدّايق .. مَهُو حيلـُه اتهد ّ
و لو يتغزّل ف مراته .. نِفسُه بتنسد ّ
رجاله بجد ولاد بلدى .. رجاله بجد
**********
كان نفسه يخنصرلو سجارة .. يشربها بود ّ
منين .. والميزانية ف إيدها .. والحال ع القد ّ
تزغـُرْلو الهانم بعنيها .. على طول يتشد ّ
مجرد بس ماتزغـُرلو .. مايقدرش يرُد ّ
رجاله بجد ولاد بلدى .. رجاله بجد
*************
بمجرد مايجيلو الراتب .. بيرَوّح ْ مد ّ
بياخدها جـَرْىْ ومبسوط .. والشوق يشتد ّ
أول ما بيلمَح ْ خِلقِـتها .. بيتقِـلِـب الضد ّ
على أول كرسى بيتمطـّع .. والإيد ع الخد ّ
رجاله بجد ولاد بلدى .. رجاله بجد
************
لابد تخبـّى على مراتك .. وتكون لها نِد ّ
إمتى قولـّلى هتتنصّح .. لما تكون جـِد ّ
إدّيها جزء من الراتب .. لو كان ولابد
ماتخافش .. وخـُش على مراتك .. ولو يلزم عُض ّ
خدوا موقف ياللا يارجاله .. اليوم مش غد ّ
وتبقوا بجد رجاله .. رجاله بجد



ههههههههههههههههههههههههههه
فنان تشكيلى جمال نور

ملحوظة
ــ بعض البلاد السوق الأسبوعى يوم الأحد " الحد " وبعض البلاد الجمعة .. وهكذا
ــ يوجد بعض الأخطاء الإملائية المقصودة لتناسب اللهجة العامية وموسيقى القصيدة