أخى جاوز الظالمون المدى

" أخى جاوز الظالمون المدى "

" أخى جاوز الظالمون المدى "

مخلـّوش للغلابة حتى اللضا

سرقوا الأمانى وكحل العيون

عدموا السعادة .. وكله كده

باعوا القطاع اللى كان اسمه عام

وخلـّوا الناس تبقى متنكـّدَة

و حق الغلابة اللى ضاع ف الزحام

و حق الشباب اللى ضايع سُدى

لا شغل واضح يلِمّ الشباب

ولا مصلحة يمكن تكيد العِدا

سنين ننادى ولا مِن مجيب

تعبنا بصراحة لطول الندا

النقل طايش يموّت ألوف

خلـّى حياتنا متهددة

والنشل زايد .. وكل الظروف

ضد الغلابة مستأسدة

لأ والزبالة اللى ماليه البلاد

ف كل الشوارع متمددة

والشعب ضايع ما بين الدروب

تحت رحمة الطبقة المفسِدة

سرقوا فلوسنا وتمام التمام

وعاشوا جَنـَابهم ف البغددة

شغلوا السواحل بحَبِّـة بتوع

قال ايه مصايف .. ينفع كده ؟!!

و بانيين مصانع ما بين البيوت

لوّثت الجو بالأكسدة

وواحد بيقتل سوووزان تميم

وواحد مقضـّى الحياه عربدة

وحاضر ملبّـد سماه بالغيوم

ومستقبل شقلباظ ابتدا

وتيجى الحكومة تقول كل يوم

إنها راضية أخر رضى

مزاج الحكومة ضرب القفا

وإذا لزم الأمر ع المقعدة

تفنن ضرايب لشفط الجيوب

تطيـّر نومَـك بعد الغدا

هتيجى ف ساعة وتفرض رسوم

لمجرد دخولك على المنتدى

تقولـّك انت َ هنا المستفيد

بتكتب وتقرا وشغال " أبْـلـَدَه "

وفاضل تعدِّ النـّفَـَس ف البيوت

وتحُط ّ عدّاد على الأوردة

فنان تشكيلى جمال نور

مع الاعتذار للشاعر العبقرى على محمود طه

ملحوظة
الاسم upload .. المصدر " أبلده "
مثل عربيد .. المصدر عربدة
ههههههههههههه

شكرا ليك استاذى للنقل

موضوع: رد الأربعاء ديسمبر 16, 2009 11:51 pm

dody15 كتب:: شكرا ليك استاذى للنقل

لأ مش نقل يادودى
الموضوع فيه اقتباس الشطر الأيمن من البيت الأول من قصيدة للشاعر العبقرى على محمود طه .. وأكملتها بشكل كوميدى لتناسب أحوال الغلابة ..
والشاعر ده ــ لمن لايعرف ــ كتب أروع القصائد وكان عنده حب لمصر والعروبة غير عادى ..كتب قصيدة " أخى جاوز الظالمون المدى " وقصيدة " الجندول " وقصيدة " كليوباترا " .. والثلاث قصائد من روائع ما غنى الموسيقار العظيم محمد عبد الوهاب
وكلمات قصيدة " أخى " تقول :

أخي، جاوز الظالمون المـدى.. فحقَّ الجهادُ، وحقَّ الفـِدا

أنتركهُمْ يغصبونَ العُروبــةَ ..مجد الأبوَّةِ والســـؤددا؟

وليسوا بِغَيْرِ صليلِ السيـوفِ.. يُجيبونَ صوتًا لنا أو صدى

فجرِّدْ حسامَكَ من غمــدِهِ.. فليس لهُ، بعدُ، أن يُغمـدا

أخي، أيهـــا العربيُّ الأبيُّ.. أرى اليوم موعدنا لا الغـدا

أخي، أقبل الشرقُ في أمــةٍ.. تردُّ الضلال وتُحيي الهُـدى

أخي، إنّ في القدسِ أختًا لنـا.. أعدَّ لها الذابحون المُــدى

صبرنا على غدْرِهم قادرينــا..و كنا لَهُمْ قدرًا مُرصــدًا

طلعْنا عليهم طلوع المنــونِ.. فطاروا هباءً، وصاروا سُدى

أخي، قُمْ إلى قبلة المشرقيْـن..لنحمي الكنيسة والمسجـدا

أخي، قُمْ إليها نشقُّ الغمـار َ.. دمًا قانيًا و لظى مرعــدا

أخي، ظمئتْ للقتال السيوفُ.. فأوردْ شَباها الدم المُصعـدا

أخي، إن جرى في ثراها دمي.. وشبَّ الضرام بها موقــدا

ففتِّشْ على مهجـــةٍ حُرَّة.. أبَتْ أن يَمُرَّ عليها العِــدا

وَخُذْ راية الحق من قبضــةٍ.. جلاها الوَغَى، و نماها النَّدى

وقبِّل شهيدًا على أرضهـــا.. دعا باسمها الله و استشهـدا

فلسطينُ يفدي حِماكِ الشبابُ.. وجلّ الفدائي و المُفتــدى

فلسطين تحميكِ منا الصـدورُ.. فإمًا الحياة و إمــا الرَّدى
****************
شكرا دودى
سعدت بمرورك جدا

جمييييييييييييييييييييييييييييلة يا عمي
و ضحكتني أوي و الله
جميلة يا حكومة ,و الحكومة المحروسة,بجد شعارات لازم نعترف بيها مابقاش في مصر
و كلو بقى إلا دخول المنتدى ده كمان هههههههههههههه

ربنا يخلصنا من كل ظالم لم يتق الله فينا بداية من الرئيس إلى أصغر موطن ظالم مرورا بي.