مهداة إلى السيد / حافظ أبو سعدة بمناسبة اليوم العالمى لحقوق الإنسان 10 ديسمبر
شى لله ياحقوق الإنسان .. !!
شِى لله ياحقوق الإنسان
قال إيه دِى منظمة دوليــة
فين هى تهشّ الدِبَّان
اللى مَلا الأرض العراقية
فين هى تحوش السرطان
اللى اسمه الدولة العبرية
ولايعنى عملوها عشـان
مصلحة الدول الغربيــــة
فين هى تحمى الغلبان
وتجيبلـُه حقوقـُه المنسية
فين هى تِكْسِى العريان
الضايع وسط الحراميــة
فين هى تـِـدِّى الجَعَّان
لو حتى قرصين طعمية
إشمعنى يعاملوا الحيوان
بلـُطـْفْ وظـُرْفْ وحِنـِّيـََّة
خـَلـُّونـا نعانى الحرمان
عملولنـا أزمة اقتصاديــة
فين هى وهل ليها مكان
وهل هى منظمة حقيقية
وإذا كانت ليها يعنى كيان
بسلامتـها إيه مستنيــة
ماتيجى تمَـشِّى الغِربان
وتحُوشْ البَلـْوَى الأزلية
أمريكا وحلف الشيطان
على راسهم أبو سحنة غبية
بصراحة أنا عندى إيمان
إنـّها منظمـة وهميــــة
ولايعنى عشان أنا غلبان
يتلمـُّـوا على الحرامية
لاعمرى ف يوم كنت جبان
ولاعمرى ف يوم كنت هَفِيـّة
وبإذن إلهى الرحمـــن
راح أرجَّع زمن الحريــة
وتغـُور حقوق الإنسان
وأى منظمـــــة دوليـــــة
مع تحيات فنان تشكيلى جمال نور