عدد الرسائل : 27 العمر : 66 تاريخ التسجيل : 11/11/2009
موضوع: إمتى الدنيا ترضى عنـّى الجمعة ديسمبر 11, 2009 12:56 am
إمتى الدنيا ترضى عنـّى
إحنا أجدع ناس تغنـّى
لو كسبنا ف ماتش نغنـّى
ولو خسرنا برضو نغنـّى
مهم بس ان احنا نغنـّى
ما يهمّناش يبقالنا كيان
ولا لينا بصمة ف أى ميدان
وصلنا لحالة من التدنـّى
وياريتنا حتى زى زمان
كان فيه أغانى وفيه ألحان
دا مش تعدّى أو تجنـّى
فيه عندنا مليون مُغنـّى
لما يابنى مصدّعِنـّى
بكلام ساذج ولحن بايخ
وكله يُرزق يا عم ينـّى
نقاش فراش حشاش بيغنـّى
وسمّعنا ياسطى حتة بنـّى
سمعتوا عن مخلوق اتكرّم
غير ممثل أو مغنـّى .. !!
وانا اللى ليـّا سنين مطحون
وياريت جَنابهم معبـَّرينـِّى
موّتونى مرّة غريق
ومرّة ف القـُطـُرات ع الريق
ومرّة ف حوادث الطريق
إمتى الدنيا ترضى عنـّى
فنان تشكيلى جمال نور
كيكو2444
عدد الرسائل : 57 العمر : 35 تاريخ التسجيل : 17/11/2009
موضوع: رد: إمتى الدنيا ترضى عنـّى الجمعة ديسمبر 18, 2009 11:07 pm
ده عيب بلد و إدارة يا عمي هههههههههههههههههههه حلوة المقطع اللي أنا ضفته ده ولا إيه ؟ هههههههههههههههه كلامك جمييييييل جدا و الموسيقى ممتازة يا عم جمال
ربنا يخلصنا منهم اللي ظالمينا و مكدرين عليناالحياة و مرهبينا منهم لله القادر.