أوبريت حب المهابيل

أوبريت حب المهابيل

هو

فاكرة زمان لما كنتِ طفلة
كنتِ بتجرى ورا الحناطير
زى ما تكونى عاملالك عَملة
كنتِ بتجرى وراها كتير
وكنتِ ماسكة ف إيدِك طبلة
ومناخيرك مليانة .... بير
وكنتِ ماسكة ف إيدِك نبلة
بتطفـّشى بيها العصافير
وكان تمللى ف إيدك إبرة
بتزغزغى بيها الصراصير
دلوقتى بتعايرينى يا هبلة
علشان منا أصلع وقصير
وجايه كمان ترميلى الدبلة
إحنا مش قاعدين طراطير
فيها إيه لو أقوللِك قــُبلة
هو كان خدّك هيطير
عايزة إيه ياعروسة الغفلة
إنت كمان مش عاملة فطير

طاب روحى لامّـِك ... بالسلاااامة
لاسَـيّح دمّـِك ....... بالسلاااامة

هى

إنت َ كنت زمان بريالة
وكنت بتتمرّغ ف الطين
وكنت دايما حالتك حالة
وكان تمللى إيديك وسخين
وعيونـَك حواليها زبالة
وكنت قصيّر وتخِين
أوعى أسمع أى قوالة
يابن الستين ف السبعين
إنت فاكرنى ياد إنتَ عِوالة
إصحى شوف بتكلم مين
يمكن يعنى فاكرنى حثالة
وحقوللك ع الراس والعين
روح والنبى مش ناقصة هبالة
إمشى غور لادِّيك سِكـّين
بصراحة كدة أنا عندى غزالة
وطالعة من مستشفى المجانين
عمّال تقوللى حبيبتى ياهاله
إنتَ جاى تعملهم على مين

روح اتنيّل ...آآآآآصلك عيّل
غور اتنيّل ...آآآآآصلك عيّل

Very Happy

هههههههههههههههههههههههه

فين ايامك