تابلوه وبيسألنى منى _ماستر ... لذكراها

تابلوه وبيسألنى بقلم : منى _ماستر

كتبهامنى عز الدين ، في 23 يوليو 2009 الساعة: 22:48 م

وبيسألنى يرسمنى ازاى
يرسم قلبى واللا عيونى
واللا سنانى فشر اللولى
يرسم قدى لو ف الامكان
واللا يرسم جمر خدودى
واللا يرسم سحر عيونى
واللا يرسم عرضى وطولى
حيران وبريشته مش عارف
يرسمنى حرام .
ارسمنى هلال شق حدود السما
ونور بضياه
ارسمنى ليل مليان بالدفا
ولونى معاه
ارسمنى سما صافية وزرقا
واحضنى معاه
ارسمنى حمام طاير ف السما
وغصن زتون
ارسمنى زهور او حتى لمون
ارسمنى محيط ومالوهش حدود
ارسمنى كلام ميعرفشى سكوت
ارسمنى خطوط بارزة وباهته
واكسينى بتوبى وطراحتى

عارفاك مش بالساهل راح ترسمنى
مش راح تمسك ريشتى وقلمى
ولا الوانك هتلونى
بس اناعارفة قلبك طيب
عارفاه بالحب بيرسمنى
عارفاه للحب بيسحرنى

وح يرسمنى
نجماية بتلمع ف سماك
تنشر ف حدود الكون ضيي
وح ترسمنى
ومافيش ف الكون زييي

عارف لية

اصل عينيك اللى بترسمنى
يالة ارسمنى

أمسك قلمى وافرد ورقى

ارسم ايه يانى يا حيرتى

جمالك غطى كل كيانى

خلى عقلى ينسينى زمانى

أبدأ بعيونك ولا شفايفك

ولا ارسم زى ما شايفك

شايف ورده متوجه عودها

بصه لفوق ولا شايفانى

ممكن ارسم حتى خدودك

نفسى قلبى يبقى حدودك

تفضلى جواه مش خارجة

ارسم شَعرك ولا شُعُورك

دى حدود اللوحة مهياش كافية

هرسم اسمك جوه فقلبى

كفايه عليا يفضل جنبى

اما عُيونِك

ورَسِم رموشك

وجمر خدودك

وسن اللولى

وجمال عودك

دا جمال ربانى مقدرش عليه

بقلم ماستر

ارسم اسمى جوة ف قلبك
دا كفاية عليه يفضل جنبك
يسمع همسك
يسمع نبضك
وارسمنى بريشة فنان

وان كانت صورتى محفورة جواك

ادخل جوّاك
وانقش صورتى من جوة عنيك

ورداية على عود ياسمين

او حتى عيون حيرانين

تايهين ف السما ولا حاسين

وان كانت الحيرة واخدانى
توه ويّايا

وعَدى حدود السما معايا

وارسم صورتى

لو كانت لوحتك مليانة
ارسمنى على لوحة صدرك
اجمل ضحكاية
وتوه ويّايا

شكلى هشخبط
مانا بتلخبط
لما اشوف عينيك جايين

وانت معايا
من جوايا بسمع صوتك
شجى وحنين

لف جناحك
ايدى فى ايدك
عالسما طايرين

لوحتى حدودها
حدود الكون
مهما رسمتك
مش هيكون
فيها مكان لقلوب تانيين

هارسم أسمك
وهاضرب وشمك
وأنسى الكون واقول انا مين ؟؟

ياه ع السحر اللى ف عيونك

خدنى معاك لففنى الكون
وارسم لوحتك زود شوقك
انا حبيت بعنيك الكون
شخبط لخبط
اضرب فرشك
خلى لوحتنا مالهاشى حدود

ارسم اسمى
ارسم حلمى
وانسى العالم كان ما يكون
دانا ويّاك عاشقة لالوانى
وعارفة انى هوايا مجنون
خدنى وطير عدى لاحلامى
ومتسألشى انا فين ومين

وسيبنا من سؤال
اجابته ف كلمتين

ارسمنى هتلاقينى
ساكنة ضى العين

اصفر أحمر
ازرق قانى
والفرشة تاهت
بين لونين
ابيض قلبك
آه يا زمانى
والاسود ده
ننى العين

والاحمر
تفاحى اللون
لون خدك
ولون الكون

والاخضر عودك
غصن البان
يتمايل ع النسمة كمان

والشعر بنى اللون
أه منه
غجرى
مجنون

رسمتك
وانتهى رسمى
وكتبت اسمك
مع اسمى

وهنفضل انا وانت
فى السما طايرين

طير يا حبيبى وعَدى وعَدِينى
وحدود الكون سِبها ووَدينى
دانا وياك طايرة بجناحين
وحدود الكون ما تقضينى

طير يا حبيبى رفرف جنبى
دانا ويّاك ف عالم بمبى
ومفيهش لا حزن ولا شجون

خلصت لوحتك ؟

امضى باسمك عاشق ضيي
وانا ليلي وانت المجنون

ـــــــــــــــــ

شكر خاص
الى استاذى الفنان الرائع ماستر
صاحب اللون الازرق القاتم
الذى شاركنى هذا التابلوه

وأنا بدورى اشكرها
رحمة الله عليك منى عز الدين

http://monaazeldin.maktoobblog.com/1507321/تابلوه-وبيسألنى/

منتهى الروعة استاذنا

الله يرحمك يا منى

بجد انا مفتقداها جدا

بس انت استاذنا احييت ذكراها بهذه الرائعة المشتركة

شكرا لك

» مبروك المنتدى يا ماستر