قل لى كيف تأكل اقل لك من انت ...

الأكل ده حكايته حكاية
و ضرورة كبرى من ضرورات الحياة
هل سألت نفسك كيف تأكل؟

في ناس بتحب الأكل
يعني بتحب الأكل الشهي المطهي بإتقان و بتاكل بمزاج و في جو معين و طقوس معينة
و مش أي أكل تاكله و السلام



و في ناس متفرقش معاها
أي حاجة تملى التنك و خلاص
و النوعية دي بتاكل و هي واقفة و بسرعة
و من التلاجة حتى من غير تسخين
و دي بتبقى كارثة لو الزوج كده
و اسألوني أنا
FPRIVATE "TYPE=PICT;ALT=sad.gif"

و جرت العادة اننا نطلق أوصاف على طريقة الأكل
فالشخص النهم أو الأكول
هو الذي يأكل كميات كبيرة من الأكل

و "الطفس"

هو اللي ياكل زيادة عن حاجته و حتى لو مش جعان

و "الدني"
هو اللي ياكل سرقة أو ياكل مناب غيره أو" يزوره "

طبعا دي صفات سيئة
يكتسبها الانسان نتيجة عادات خاطئة في تناول الطعام لم يتم تقويمها منذ الصغر

و النهم ده يعتبر مرض زيه زي مرض فقدان الشهية العصبي
و كلاهما يصيبا الانسان العصبي المزاج
يعني الذي يتأثر بالحالة النفسية من حزن أو فرح أو غضب أو قلق

تلاقيه يا إما ياكل كتير عشان يملا بطنه و يحس انه مش قادر ياخد نفسه
رغبة منه في تدمير الذات

أو يعاف الأكل لفترات طويلة
و حتى لو حاول أن يأكل لا يستقر الأكل في معدته
و هي تعبر عن عدم رغبة في الحياة غالبا نتيجة للاحباط الشديد

و جرت العادة أن نعتبر الشخص السمين يتصف بصفات سيئة في طريقة أكله

و الشخص النحيف أنه لا يأكل و رقيق و لا يتصف بتلك الصفات البشعة

بينما الحقيقة قد تكون عكس ذلك تماما

هناك أشخاص لا يأكلون إلا وجبة واحدة في اليوم و وزنهم زائد

و هناك أشخاص يوشكوا أن يأكلوك أنت شخصيا و في غاية النحافة

و أحيانا طبيعة مهنتك أو نمط حياتك اليومية قد تفرض عليك الطريقة التي تأكل بها